هل حقا نحن جيل فاشل؟

انا اختكم هاجر فتحي حبيت اضيفلكم موضوع جديد ومهم في نفس ذات الوقت اتمني ان اشاهد ردودكم علي موضوع (هل حقا نحن جيل فاشل)

بسم الله الرحمن الرحيم

كثيراً مانسمع في هذه الأيام من أناس كثيرين وخاصةً كبار السن أن

الزمان قد تغير ولم يعد كما السابق ..

يا ريت أيام زمان ترجع ..

كانوا الناس إخوان وأحباب وكل شي كان له طعم ..

كثيراً ما نسمع نبرات الإحباط في مجالس الكبار ويرون أن هذا الجيل لا يصلح

لتحمل المسؤولية

وأن زماننا في كل أطرافه زمان لا يصلح للمعيشة وأنه زمن الإتكال على الغير

وإنتشار المحرمات وضيق العيش ... الخ

نسمعهم يتحسّرون على أيامهم الماضية

ويصفوننا ويصفون زماننا بأمور غريبة

فهل نظرتهم صحيحة أم أنها جائرة ؟؟ ولماذا ؟؟

وهل هم دوماً محقّين فيما يذهبون إليه ؟؟

وهل يخلوا عصرنا من كل شيء جميل لهذه الدرجة التي يرونها ؟؟

أريد أن أرى آرائكم العقلانية دون التعصّب لزماننا ..

هل حقاً نحن جيل فاشل ؟

شكرا جدا يا برنسيسة اولا علي الموضوع الجميل ده ده طبعا اولا .
ثانيا اجابة علي سؤالك فانا استطيع ان اقول لك اننا لسنا جيل فاشل وانما نحن تستطيع ان تقول اننا جيل محروم وتاه جيل ظلم لعدم تعداد الخيارات التي امامه وفشل هذا الاختيار.

اما كل شئ جميل وجد في عصر مضي واختفي لسنا كشباب متسببين فيه انما هم من تسبب في ذلك هذا راي واحترم طبعا الاراء الاخري فيما لا يتعارض مع ................

اولا هو الموضوع بجد جميل جدا يارانا

ثانيا انا شايف اننا والحمد لله مش جيل فاشل ولا حاجه زى ما الناس بتقول
انا شايف ان اللى احنا فيه دلوقت من كل المشاكل دى بيتهيألى ان هما السبب فيها او هما احد السباب اللى وصلت الزمن ده
وفلو خدنا كل المشاكل دى واحده واحده فمثلا
الاتكاليه بيتهيألى ان هما اللى بيربوا اولادهم على كده ومش بيدلهم ثقه فى نفسهم
ثانباانتشار المحرمات فدى هما السبب الرئيسى فيها مثلالو كل اب وام قامو بتلربيه ابنائهم على الفضيله وعلى تعاليم الاسلام بيتهيألى ماكنش هيبقى فيه محرمات خالص
وزى مابيقول عمر ان ضياع كل شىء جميل كان موجود فى الماضى بيتهيألى انا احنا لسه ملحقناش نلاقى حاجه علشان نضيعها
ثانيا واهم واكبر مشكله هما سببوها لنا واللى المفروض نحاسبهم عليها هى موت الديمقراطيه والحريه الحقيقيه على ايديهم وفى زمنهم وخلقوا لنا ديمقراطيه وحريه جديده اكيد طبعا حريه وديمقراطيه زائفتان وهذا بسبب صمتهم اللعين (لا تعليق)
يعنى بجد لوهنتحاسب اكيد فى الاخر هنحكم عليهم بال.................... ولا اقولك سيبى الزمن هو اللى يحكم عليهم

تاني حا جة يا صابر انهم هم اللي بيعلمونا يعني لو احنا فاشلين يبئي انهم علمونا الفشل اللي هما فيه ولا ايه

اولا يا جماعه اشكركم علي الردود ومع احترامي ليكم اولا يا صابر انا هاجر مش رانا بس مش مشكله انا وهيا واحد .
ثانيا احنا ليه ماسئلناش نفسنا سؤال هو ليه ما كنش فيه كل المشاكل دي زمان؟

يبئي مش ذنبنا ده ذنب الجيل اللي قبلنا اللي مقدرش يقدر معني الاخلاق
ويا هاجر لو ذهبتي الي موضوع دعوة للحوار ستجدي ان الشباب اتفقوا علي ان المؤثر فيهم هو المجتمع وهذا يعني ان المجتمع هو من افسدنا لفساده ولسنا نحن من افسدناه

سورى يارانا اه قصدى ياهاجر معلش اصلى كنت لسه معلق على موضوع لها معلش اتلغبطت

ثانياهو من زمان امتى يعنى لو انتى بصيتى هتلاقى المشاكل دى كانت موجوده زمان بس فضلت مهمله لحد ما كبرت وللاسف احن اللى بنجمع ثمره الفشل اللى زرعها غيرنا

انا معاكم يا جماعه في اللي انتم بتقولوه بس دي حقيقه ولازم جيلنا يواجهها ونثبتلهم عكس كده

كويس يا هاجر بس ازاي نبدا عشان نبدا صح يبئي لازم نحب مصر نحب بعض ونخلي الحب دستور حياة حب في الله بما لا يكون فيه فعل معصية لله

اسمحوا ليا اني اشارك واقولكم حاجه مهمه (يا ريت منعلقش اي حاجه تحصل علي شماعه التاني ) يعني ان ممكن اي واحد بغبر حاجه في الدنيا دي صدقوني نبدأ بنفسنا وانشاء اللعه ممكن نعمل حاجه بجد ونخلي جيلنا في نظرنا احلي جيل لان احنا عايزينه كده