هل انت ارهابى شوف وحدد؟

اخي ما حدث يمكن ان يكون من بسبب عدم تصديق الشرطي للرجل
كما اسالك سوال هو بياخد البطايق من ده دون غيره

بص يا باشا عشان نقفل الموضوع ده ده رايا وانت طبعا لك راي ولكن اليس اسامة بن لادن كان من اهل السنه برده ومربي دقنه .
ومادام الكل بيحصل فيه كده خلاص .
وعلي فكرة يعني لو انت متابع جيد للمجتمع واحداثه مفيش حد بيتمسك من غير سبب وبالذات اصحاب الدقون اللي بيتمسكوا الاخوان المسلمين بس عشان بيعملوا اعمال مخالفة للقانون والدستور.

وبرده بتهرب من السؤال هو بياخد البطاقه من الملتحي بس رد كده

عمر احب اسالك سؤال بس ياريت لا تفهمه غلط
ايه خلفيتك الدينية ؟ بمعنى هل قرات كتاب فى المذاهب او الفرق الاسلامية
اللى بيعملة اسامة بن لادن لاشك انه فيه غلط كتير وغير موافق للسنه ولا للاسلام
بس انا هنا بتكلم على المواطن المصرى العادى اللى ممكن يكون ابوك او اخوك او جارك
ليه المجتمع او وسائل الاعلام بتنظر ليهم نظرة ارهاب

اقتباس :

وبرده بتهرب من السؤال هو بياخد البطاقه من الملتحي بس رد كده

بلاش كل شوية بتهرب دى لانك لو رجعت حتلاقى اننى باخذ المشاركة نقطة نقطة ولو سقطت نقطة بتكون سهو فعذرنى
لا مش من الملتحى بس اقولك بتاخذه من مين
1_ الملتحى + الشباب اللى فى سن الجيش + واى واحد شكله بيدى على اجرام
يعنى الدولة بتضع الملتحى فى مستوى المشكوك فيهم

اقتباس :

وعلي فكرة يعني لو انت متابع جيد للمجتمع واحداثه مفيش حد بيتمسك من غير سبب وبالذات اصحاب الدقون

ارد عليك برضة انك متقدرش تربى دقنك لانك وقتها حتخاف وتقول عشان المشاكل وفى ناس اصحاب لحى بيتمسكوا من غير سبب برضة واعرف قصة حقيقية لذلك

اقتباس :

اللي بيتمسكوا الاخوان المسلمين بس عشان بيعملوا اعمال مخالفة للقانون والدستور

زى ما قلتلك قبل كده الاخوان لا تربى اللحى وتقدر تتاكد منهم فى الكلية وتشفهم فى المسجد
كمان عشان لا نظلم احد الاخوان مش بيعملوا كل حاجه مخالفة للقانون والدستور
.


1_ الملتحى + الشباب اللى فى سن الجيش + واى واحد شله بيدى على اجرام
يعنى الدولة بتضع الملتحى فى مستوى المشكوك فيهم

يا اخي ردا عن موضوع الاخوان المسلمين شباب الاخوان لا يربون اللحيه انما قادتهم يربوها (مهدي عاكف وغيره)

وانت بعد اذنك من موضوعك ده عاوز توصل لايه انها حكومه فاسدة وفاسقة ولا ايه

وما يحدث يا اخي لان هناك جماعات ارهابية اتخذت الدين ستارا للعمليات الارهابية واظن لسه الحسين قريب ولا في الاقصر في التسعينيات ولا ولا ولا وبجد بئي حرام وي اللي بيحصل فلازم ينشك في كل واحد ملتحي او غير ملتح كمان

ثانيا الشعب كله في وضع اتهام

يا عمر انت بتناقش للجدال فقط ولا للوصول الى الحق

انا اوضح الرؤي سيدي لا اجادل اعرض وجهة النظر الغائبة التي تجلها

اخي انا وضحت وجهة نظر الحكومة الجزء الغائب عن حديثنا الان بكل وضوح .
ومادام ان ساري علي الكل خلاص ملكش حجة

ثانيا حرية الرد مكفولة وانت مسالتش عشان تجاوب صح ولا لا .
وانا مبئولش انك بتتهرب ولا حاجة

اقتباس :

اخي انا وضحت وجهة نظر الحكومة الجزء الغائب عن حديثنا الان بكل وضوح .

1_افهم من كلامك انك بتقول ان الدولة ليها حق فى اللى بتعمله مع اى حد ملتحى

اقتباس :

ومادام ان ساري علي الكل خلاص ملكش حجة

2_ومين قالك ان ده سارى على الكل .الواقع يشهد بغير ذلك

اقتباس :

ثانيا حرية الرد مكفولة وانت مسالتش عشان تجاوب صح ولا لا .
وانا مبئولش انك بتتهرب ولا حاجة

لا يا عمور انت ذكرت كلمة بتتهرب دى اكتر من مره وده لحظته من ردودك

اولا كلمة تهرب لانك لم تكن ترد علي الاسئلة الواضحة والمباشره

ثانيا انا لم اقل انها الدولة لها الحق تتعامل مع اي شخص ملتحي انما قلت انها لها الحق في التعامل مع اي شخص خارج عن القانون العام للدولة حتي ولو كان ملتحي

ثانيا انا عائلتي كلها ملتحية اعمام واخوال ولم يتعرضوا ابدا لمضايقات من الشرطة دي بس للعلم

اقتباس :

وانت بعد اذنك من موضوعك ده عاوز توصل لايه انها حكومه فاسدة وفاسقة ولا ايه

قلتلك قبل كده يا عمر بلاش نظام الاسقاط ده وبلاش تحاول تخلينى اقول حاجات مقلتهاش خالص

اقتباس :

وما يحدث يا اخي لان هناك جماعات ارهابية اتخذت الدين ستارا للعمليات الارهابية واظن لسه الحسين قريب

ما شاء الله
عرفت اللى امن الدولة معرفهوش وعرفت الفاعل
مين اللى قالك ان اللى عمل هجوم الحسين ده مسلم اصلا لسه التحقيق شغال ومحدش عرف حاجه
مش كلامك ده يدل على ان نفسية الناس بقت مش مرتاحة لاى حد ملتحى حتى اننا نرميهم بالتهم

اقتباس :

ولا في الاقصر في التسعينيات ولا ولا ولا

اللى عمل اللى فى الاقصر دى جماعات التكفير والهجره
اظن سمعت عنها
بس يا عمر الصح واضح قدام الناس بس الواحد مننا عشان مش بيعمل الصح مش بيحب يقول عليه صح
فانا اللى عاوز اقوله فى الاخر ان الناس اللى ملتزمة بهدى النبى عليه الصلاة والسلام
فى المظهر والملبس بتلاقى بعض العراقيل فى حياتها لمجرد اتباعها سنه النبى
وصدق رسولنا صلى الله عليه وسلم حين قال (يأتي على الناس زمان القابض على دينه كالقابض على الجمر" رواه الترمذي
وانا والله يا عمور نفسى اكون من الناس دى بس مش قادر اكون زيهم
بس بحاول ادافع عنهم وبحاول اغير نظره المجتمع ليهم
بعد ما حصل لينا تغيير فى التفكير من المناهج الاستشراقية
ياريت تكون فهمت وجه نظرى
وانا اسف لو كنت قلت حاجه زعلتك منى واعلم انه مش قصدى والله
واتضح ليا انك انسان محترم واحترم فيك عقلك وتفكيرك

اخي جماعه التكفير والهجرة بدقون برده صح ولا ايه .
وما يدري ان ان هؤلاء ليس جماعات ارهابية .
اخي انا است ضد اهل السنة وانما ايضا يجب ان تتخذ كافة الاجراءات لحماية الارواح