المعاكسة واااااجب قومى ولابد منه,

المعاكسة واجب قومي وحق تجاه اي مزة نازلة الشارع وتاعبة نفسها ومتشيكه وحاطة ميكب ونازلة تقول للأرض اتهدي ما عليكي ادي ... عايزين ايه من الشباب يعني ... مش لازم يشجعوا المنتج المحلي ... وكمان لما البنت دي تتعاكس والشباب يقرفها في الشارع اكيد هاتتربى وهاتتعلم الادب وتنزل الشارع بعد كده محترمة .... ماهو لو محترمة والله ما كانش حد قرب ناحيتها .بس في مشكلة ...البنت اللي لبسها كويس ولابسة اسدال كمان او خمار بتتعاكس ليه .؟؟؟.... ايه اللي بتتعاكس ليه ... اكيد ماشية تتمايع وتضحك في الشارع وحاطة ميكب اد كده ....لازم نربيها بردو وتنزل الشارع محترمه ... ساكتة ولا تنطق من اساسه ... مش بقولكم واجب قومي ... طب واللي ماشية لابسه محترم ولا حاطة ميكب ولا غيره وماشية في حالها لا بتضحك ولا بتتمايع ماشية في حالها ... ...لأه بقى ما هي نازلة الشارع وحدها وقاصدة تتعاكس ايه اللي منزلها الشارع وحدها وهي عارفة الشوارع بقت عاملة ازاي ... ماهي لو محترمة بجد كانت نزلت مع باباها ولا اخوها ولا خطيبها حتى ... دي عايزة تعمل محترمة وتضحك عالشباب وتجيب عريس ... وبردو لازم نبينها على حقيقتها وتتعاكس علشان محدش يفتكرها محترمة ...طب واللي نازلة مع اخوها ولا خطيبها ولا حتى جوزها (مش نازلة وحدها اهو) ويطلع لها واحد من ورا خطيبها ولا اخوها بيبصبص ليها كده من ورا ضهر الراجل الغلبان وعمال يشاور ويعمل حركات ويقرفها ... ... يا سلاااااااااااام ومين قاللك ان ده خطيبها ولا اخوها .. تلاقيها الواد اللي ماشية معاه ماهو لو كان خطيبها كان قعد يشوفها في بيتهم .. وانا بعاكسها علشان اعرفهم قيمتهم هما الاتنين علشان يتربوا ويبطلوا صرمحة في الشوارع ... مش بقولك واجب قومي علشان البلد والله....طب واللي واقفه في البلكونه الغلبانه بتنشر ولا بتجيب حاجة بالسبت بيطلع لها ميت واحد من الشارع راصدينها واللي يعاكس واللي يشاور.. الله ما هي قاصداها اهي وطالعة البلكونة علشان الناس تشوفها وتتعاكس .. هي اللي عاوزة تتعاكس من الاساس .. وانا لما بعاكسها بوريها قيمتها اصلا ... هي ايه اللي طلعها البلكونة من الاساس .. تنشر .. هههه دي تلاكيك يا عمنا ... دي عاوزة تتعاكس ... ماهو لو محترمة والله ما كنت هاقرب ناحيتها ...طب واللي قاعدة في بيتها يا ناس .. ويطلعلها من الشباك اللي عمال يبص ويبحلق فيها ويعاكسها ... شوفت اديك قلت بنفسك ياعم ... هيا اللي فاتحة الشباك علشان الراجل ده يشوفها ويعاكسها ... وتلاقيها كانت بتتمخطر قدامه رايحة جاية ومتشيكه علشان يشوفها ويعاكسها .. هي لو محترمة تفضل في بيتها وتقفل الشبابيك والبلكونات والبيبان كلها وتقعد تحت السرير كمان علشان تبقى بنت محترمة بصحيح ومحدش يشوفها خااااااالص وتدفن نفسها بالمرة

هههههههه

طبعا الكلام هزاز في هزار يعني اياك حد يزعلللللل

المشكلة يا جماعة في الموضوع ده هو انتار ثقافة الجنس وcia والموساد بيصرف مليارات لهدم الامه العربية كلها
ودي سبب من بعض الاسباب
غير طبعا تبرج بعض الفتيات في اللبس والمكياج

و مين اللى إدى كل واحد بيعاكس الحق زى ما بتقول إنه يربى البنات
طيب مهو لما تعاكسها من حق أى واحد إنه أو إنى أربيك لو شوفتك
و لا هوه الحديث النبوى بيطبق على البنات بس .

قال رسول الله ( صلى )
من رأى منكم منكرا فليغيره بيده
فإن لم يستطع فبلسانه فإن لم يستطع فبقلبه و هذا أضعف الإيمان
صدق رسول الله ( صلى )

و بعدين إنتم سايبين كل اللى بتعملوه غلط فى حايتكم و بصفتى ولد أنا عارفه
و جى تربى واحد تانى أسف فى التعبير و محدش يزعل طيب ربى نفسك الأول.

حاسبوا أنفسكم قبل أن تحاسبوا

محدش يزعل إحنا بنهزرو كله هزار فى هزار

منورين يا شباااااااب وكل واحد ياخد بالة من كلامة

اقولوكوا على حاجه بصرااحه انا معكساتى قليله جدا بس على فكره اللى بعكسها بيكون حد جامد كيييييييييييييييييييييك فله عليكوا

اشطااااااااات وفعلا لازم يكون حد كيكككككككك

وليه كده ترضي لاختك او ابنتك يحصلها كده
لو انت ترضي انت طبعا عارفانت تبئي ايه ومش هكمل

طبعا مش هرضي بكدة خالللللللللص

بس انا بكلم علي حال الشباااااااااااااااب

عمر عبدالله كتب:: وليه كده ترضي لاختك او ابنتك يحصلها كده
لو انت ترضي انت طبعا عارفانت تبئي ايه ومش هكمل

بصراحه افحمتنى الرد يافتى
فله عليك

لا شكر علي واجب يا رجل