كلام البنات على الرصيف ...وجع قلوب الشباب !!!

بسم الله الرحمن الرحيم

السلام عليكم ورحمة الله وركاته

اي شخص في اي مكان سواء ان كنت في الجامعه او على كافيه او في السينما او النادي أو حتى قاعد في بيتك بتتفرج على فيلم الساعة 11 على mbc او غيرو ، ممكن رتقعد تسرح وتفكر وتستعيد ذكريات كتير اووي مرت في حياتك ، بعض الذكريات دي حبيتة واتمنيت انه يفضل على طول ، وبعضه كسرك ، وبعضه قواك وفهمك الحياة كويس وعلمك حاجاااااات كتييييييييييييييير اوي مكنتش لسه اكتشفتها ،

ويمكن كمان تفتكر بعض غلطاتك او حتى مغامراتك وتقول لنفسك (( بجد كل ما الواحد بيكبر بيعقل ))، وبالذات يمكن الشباب بيطبق عليهم الكلام دة لان في الغالب المجتمع بيتقبل بعض مغامرات للشباب
اكتر من البنت ، وزي ما الشخص بيتعلم من الكبير حاليا بقى الشخص بيتعلم من نفسه وتجاربة وتفكيرة ،ولما بتنزل الشارع طبعا بتشوف جميع المؤثرات يمكن تكون المؤثرات دي ناس او اماكن او لون من الوان التطور الدارج اليومين دول وفوق ده كله الفساد نفسه .

يمكن المقدمة كانت طويلة شوية بس انا حبيت من خلالها اني اوصف بعض الصور الحياتية ايلي ممكن تصادفها في وقتك اليومي ، لكن بمنظور الموضوع ايلي عايزة اعرضة فأنا حابة اتكلم على بعض فعل
بيصدر من البنات في الشارع وبيكون ليه رد فعل غريب ، هي ظاهرة يمكن في مصر مالهاش مسمى لكن برة مصر وعلى حسب مكان وجودي ليها مسمى وهو (( الترقيم ))،
والظاهرة دي اني بشوف بنات كتير جدا بيكونوا في مكان معين وبيمر مجموعة شباب او ايا كانت ظروف وجودهم لكن ماشاء الله بيبدأ يتوزع ابتسامات ونظرات زي تيتانك يعني ، ومع الاسف بعد كدة
بلاقي الشباب بيقربوا وبيقدموا للبنات ارقامهم ، وطبعا مفيش رفض من البنات كالعادة ، وبأختصار شديد بتكون حجة الولد انه لفتته البنت دي من اللحظة الأولى وان من اول ماشافها بتتكلم هو شعور غريب انتابه (( بتضحك على مين ياكابتن بس! ))، والحقيقة ان في نسبة كبيرة من الشباب دول اصلا بيكون مرتبط ونفس الشيء البنات ، ولو سئلتة ازاي بتعمل شيء زي دة بيقولك ان دة مجرد لعب او تسلية !،
ونفس الشيء والجواب بتلاقية من البنت ، المشكلة بقى في كل دة ان بقى الاغلب بيعمل الغلط بفكرة انه صح ، فياترى بقى يا اي شاب تقدر فعلا انك ترتبط بواحدة عرفتها بالطريقة دي ؟، وياترى فعلا انت ممكن تامن على بيتك لو حصل واتجوزتها ؟، وازاي حتربي ولادك ؟، ولو كانت اختك عملت كدة حترضى فعلا ليها بالشيء دة ؟ ، بجد انا نفسي اعرف راي الشباب ، وسؤالي للبنات ياترى ترضي على نفسك بكدة ؟!!!!!!!!!!!!.

عاشق بلا قلب كتب:

فعلا يا أحمد بس أنا مختلف معاك إنها ظاهره هيه ممكن تكون كده بس فىطبقات معينه بس

هية فعلا منتشرة في طبقات معينة ميرسي لمشاركتك 

زهرة الحزن كتب:

أنا ما شوفنش البنات دول بس ممكن يكونوا قليلين مش بالحجم ده

أكيد طبعا هية فئة معينة يعني مش منتشرة اوي ميرسي لمرورك

ممكن بعض القليل جدا جدا يحدث ذلك
ولكن لو اخطا الهدف ان عارف مصيره كويس

ميرسي لمرورك

هههههههههيعني هيكون علي حسب الموقف وربنا يهدي الجميعع