منتديات أسرة الجمعيه الأدبيه
عزيزى الزائر سجلاتنا تفيد بأنك غير مسجل لدينا, يشرفنا بأن تسجل وتشترك معنا بمواضيعك المميزة. شكراً

منتديات أسرة الجمعيه الأدبيه

أهلا وسهلا بك يا زائر

.:: نورت المنتدى ويسعدنا اشتراككم معنا ::.
 

الرئيسيةس .و .جبحـثالأعضاءالمجموعاتدخولالتسجيلالتسجيل

شاطر | 
 

 حسن شحاته والقرد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شيتوس
آجــــاوى جديـــد
آجــــاوى جديـــد
avatar

ذكر عدد الرسائل : 7
تاريخ التسجيل : 27/03/2009
العمر : 27
نقاط : 9492
دولتـــى :
درجة نشاطك فى المنتدى :
0 / 1000 / 100


مُساهمةموضوع: حسن شحاته والقرد   الأربعاء 15 أبريل 2009, 10:11 pm








فى يوم من الأيام
فى حاضر العصر و الأوان
كان فيه لاعب مصرى فنان
محترفا فى صفوف نادى إنجليزى عريق
. . . . . . . . .
إسمه توتنهام
حسام غالى اللاعب الهمام
إعترض فى مرة على المدرب الغلبان

و رمى فانلته على الأرض أمام كل الجمهور التوتنهامى "الوحش الجاهل المتخلف" اللى مابيفهمش فى أصول الإدارة ،فمن يومها ، مالبسش الفنان
فانلة توتنهام . . . و بعدين غيروا المدرب و حسام نفسه أعاروه خارج النادى لمدة عام ، على أساس إن الجمهور "التوتنهامى الوحش الجاهل المتخلف" ح ينسى الإساءة "لفانلة النادى - مش للجمهور و لا للمسئولين بالنادى و لا للمدرب و لا هرب و لا شتم و لا سب و لا أى حاجة ، آآه و الله . . رمى الفانلة بس"

و جه مدرب جديد مايعرفش اللى حصل و أمر حسام الفنان يسخن عشان يلعب

قام الجمهور "التوتنهامى المتعصب الجاهل المتخلف اللى من بلد متخلف
ينتمى للعالم الثالث اسمه (انجلترا) اللى ما بيعرفش فى أصول الإدارة و بيتدخل فى شغل الجهاز الفنى" هاتك
يا صفافير على اللاعب و صيحات استهجان ،و لأن المدرب الجديد ده لسة "خام" و مش خبرة "و شخصيته ضعيفة جدا قام سأل

الإداريين بالفريق هو الجمهور بيعمل كده ليه ، فشرحوا له ما فات قام الراجل "اللى مالوش فى الإدارة و بيسمح للجمهور يتدخل فى

شغله" أمر اللاعب إنه يقعد و يقلع هدومه عشان مش ح ينفع المدرب يتحدى الجمهور و يستفزه يإشراك لاعب لا يرغب الجمهور فى

بقائه ، و مش بس كده لأ ، ده كمان إدارة النادى "الضعيفة المهزوزة" قالت للاعب شكرا ليك مالكش مكان هنا طول ما الجمهور رافضك ، و مشي من هناك .


طبعا دول ناس - للأسف - بيحترموا الشعوب و الجماهير ، و برغم إن الجمهور
مش هو اللى عين المدرب و لا هو اللى بيعين رئيس النادى و لا هو اللى اشترى
حسام غالى ، لكنهم بيحترموهم و مايسمحوش لنفسهم يعملوا حاجة على ضد
رغبة الجماهير ، عارف يه يا كابتن؟؟؟


لأنهم مرضى ،
و عارف المرض إسمه إيه يا كابتن؟؟

إسمه "الديمقراطية" و احترام الشعوب و الأخلاق التربوية قبل المادة ماجاش المدرب أصر و عاند و أمر اللاعب
بالنزول للملعب ، ثم - بعد المباراة و بعد ما يشبع اللاعب و المدرب شتيمة ، ييجى يهاجم الجمهور "غير الواعى" اللى
بيتدخل فى اختصاصاته و بعدين "يكلم الناس الكبيرة عشان يمنعوا الجمهور
"
المشاغب" من دخول الماتشات ، و بعد كده يرجع يتهمهم بالتعصب و انهم
بيعملوا ضد مصلحة فريقهم ، و ماطلعش بعد الماتش يقول لهم
:
اللى عايز يشتم حد مايجيش الملعب ، ويقعد فى بيتهم ، لأنهم زى ماقلت فى الأول

، ناس بيحترموا الناس ، ناس الأخلاق عندهم نمرة واحد المشكلة إن دول هم المجتمع الغربى "الرأسمالى المادى اللى مابيهتمش بالأخلاق و كل همه الفلوس و الانتصارات على حساب التربويات و الأخلاق" زى ما بنقول عليهم ، ، ،





ياعالم اصحى وفوق ووسع للمعلم ، وفريقنا القومى هيتكلم ، دى كلها فركة كعب ، ويتحقق الحلم الصعب ، يعنى رواندا وزامبيا والجزائر، ونهتف ونقول : (( بصوا ياناس بصوا ياعالم مصر وصلت كاس العالم )) ، ونهلل ونخبط و نطبل ونزيط ، ونصرف مكافآت ونبذر ، ونهرج ونبهرج ، ويطلع للمكسب ألف أب وأب ، يعنى كل واحد له نصيب فى الفتة ، واللى مايلحقش مش مهم أكيد هيفوز بشوية فكة ، دى حاجة سهلة المعلم ده مدرب مالوش حل ، وبيفهم ضرورى أحسن من الكل ، واتحاد الكورة لولا همته ومفهوميته كانت كل الفرق اللى قابلت المنتخب هزمته ، والنقاد الجمال اللى بيفهوا كورة على الآخر وبيحبوا لما يتكلموا يجيبوا من الآخر ، واللعيبة المصرية أحسن من إيتو ودروجبا وتستاهل تلعب فى أوربا .
وحتى لوكان زامبيا فريق غول هندبح لهم العجول ، وماله ما احنا ياما دبحنا فى غانا ، علشان السعد يبقى معانا
.
الهارب بيشاور على الكورة فى الجون للى ماشافش الكورة أهى راحت ورجعت ، هيه بقت فى الجون ، وإيه يعنى لما يدخل فيه جون واتنين ، ماهو فى سيون شايل ستين وهيلعب غصب عن التخين ، بدل الأخ أحمد سليمان مايدور ويدرب ويقدم الاجوان ، خليه فى الزفة مش سامع ، وحراسة المرمى بتتراجع ، ويقولك وبكل بجاحة : ((الهارب هو الأصل أحسن جون فى مصر)) ، واللى مش عاجبه يبقى بيكره مصر ، هو الهارب دا أملنا هو اللى هيوصلنا ، مافيش غيره حراس ، طب ادعى لناجى ولوائل والسيد وعماد النحاس ، ولمانويل والبدرى ونادر ، رحلة طويلة وباعها الغادر، دى مصر يجى كام مليون مافيهمش غير هو الجون ، تلاعبوه رغم اللى جناه ، تلاقوه والأهلى وجمهوره رماه ، وأخرتها هارب و ضليل ، يتطاول على القيعى الأصيل ،ويخاطبه وبكل وقاحة ، راجل بلسان رداحة ، هى دى برضه الأخلاق .




بص بقى ياعم حسن شحاته هى كده جابت اخرها ..
لو كان من حقك انك تختار اى لاعب مهما نختلف عليه فنيا فالفنيات هى ملكك وحدك فقط انت و جهازك ..
اما الاخلاقيات فهى ملكنا نحن شعب مصر طالما ان اللاعب يلعب باسم منتخب مصر ويمثلنا نحن ...

واخيرا لو (الحارس الثاني لمرمي مركز سيفون ) الخضري هيلعب غصب عن التخين فى مصر ...

فالتخين فى مصر لن يجبرنا على تشجيع منتخب مصر والخضري يلعب ضمن صفوفه


..رسالة الي الهارب..

انت اتغريت اوى يا حضرى وافتكرت نفسك ياما هنا وياما هناك وفاكر نفسك علشان صديق واحد صاحبنا تبقى انت الكل فى الكل وعلى فكره كمان انت الاهلى هو اللى عملك ومش انت اللى عملت الاهلى وكمان المنتخب مش هيقف على واحد زيك ولا على غيرك الحمد لله البلد فيها حراس كويسين واحسن منك

انتهز هذه الفرصة لاوضح لعصام الحضرى شىء بسيط هل يذكر يوم ان دخل الى جدران النادى الاهلى هل راى شكله وقت ذلك ام انه نسىء هل يتذكر كان يحمل كم جنيها فى جيبه هل كان له اى حساب فى مكتب بريد وليس فيزا كارت بعد ذلك اخبره ان حب الناس اهم واثمن من حب المال و تعلم من ارقى لاعب فى مصر محمد ابو تريكة وروح دور على مصلحتك فى مركز شباب سيون لكن بعد ما تخلص كورة روح دور على مركز شباب تدرب فيه و خليك فاكر عمر الاهلى وجمهوره هيغفر ليكى ان تطاولت عليه وسيبك من قصة هروبك ده عادى انت اللى خسرت الاهلى عمره ما بيقف على لاعب وخليك فاكر ان الخطيب كان بيلعب واعتزل و عادى يا بطيخة

الاخوة الزملكاوية "


احنا مش عايزين الحضرى ميلعبش مش عشان هو سابنااا وهرب لااا هو هربان من زمان وكنا بنشجعه مع المنتخب الفترة اللى فاااااتت

لكن الجديد انه غلط فى الشعب المصرى كله يعنى من الاخر ميهموش حد فى مصر
....................
ياناس احنا اللى نشجعهم لازم يكونو ناس عندها انتماء بتحب بلدها وبتحب بعضهاا
وبتخاف على المنتخب
هو لو بيخاف على المنتخب كان ميقولش الكلام ده وكان يمسك اعصابه
سينساك التاريخ يا حضرى لقد نسيت ما كنت عليه وما اصبحت فيه لقد نسيت اليوم الذى اتى بك الأهلى فيه إلى عالم النجوميه والشهرة والمال نسيت ان للأهلى الفضل الثانى بعد الله سبحانه وتعالى وخذ من ابو تريكه معشوق الوطن العربى مثال وقدوه ولكن ما طار طيرا وارتفع إلا كما طار وقع


اضحك مع الدوري المصر ي


في حوار مع "القرد المعجزة" بتاع موبينيل قال القرد ليس من ضمن أهدافي الحالية العودة الى مصر مرة أخرى.

وعندما سُئِل عن السبب قال: الأجواء غير صحية وهناك من يتربص بي وأعداء النجاح يحاولون الإساءة إلى في كل مكان

وكان القرد الموجود حاليا في جمهورية شومبوجو قد تلقى عدة عروض للإحتراف من الأندية الثلاث الكبرى فى مصر – الأهلي والزمالك والإسماعيلي .

وبسؤاله عن رفضه لهذه العروض قال: بالنسبة لعرض الأهلي هو عرض جيد جدا لكن الأهلي "مالوش في القرود" ومش هايخليني ابقى براحتي .. أنا لا بحب ألعب ولا أجيب بطولات انا بس بحب أطلع أتكلم كلمتين والناس تشوفني وتتكلم عليا واقول إني كبير وجامد أوي والكلام ده مش حيبقى مقبول في الأهلي .. فبلاها الأهلي !

سألناه: طيب وعرض الزمالك يا نجم ؟ قال القرد مجيبا على هذا السؤال: بصراحة عرض الزمالك جيد جدا والزمالك الأجواء فيه مناسبة للغاية أني "أنجم" هناك لأني هاعرف أتكلم كتير ولا هالعب ولا هاجيب بطولات ولا حعمل أي حاجة وفي الآخر حبقى نجم برده زي ما أنا نجم دلوقتي فمش حتفرق كتير معايا .. لكن أهم سبب خلاني أرفض عرض الزمالك أني مش عارف أتكلم مع مين .. كل شوية واحد يتصل بيا يقولي أنا رئيس نادي الزمالك وواحد تاني يتصل ويقولي أنا عضو مجلس إدارة نادي الزمالك وكل واحد بيقول كلام وفي الآخر لقيت نفسي هاتوه معاهم فقلت "أنجم" في حتة تانية وبلاها الزمالك !

أما عرض الإسماعيلي فقال عنه القرد: عرض الإسماعيلي مرفوض شكلا ومضمونا .. الواحد يا عم ما يضمنش نفسه أنت عارف أني – حجمي صغير – وممكن كرسي طايش ولا طوبة ولا حتى واحد يتنرفز فيرمي إزازة ميه تيجي فيا و أروح فيها وأنا مش ناقص !! وعموما نادي الإسماعيلي مكنش هايديني النجومية اللي أنا واخدها في شومبوجو علشان كده عرض الإسماعيلي مرفوض !

وقال قرد موبينيل في آخر حواره: أنا أحب اقول للناس في مصر أني بخير ومتابع الموقف في المنطقة كويس وباشكر كل القرود اللي في المنطقة اللي عاملة ودن من طين وودن من عجين في الكورة وفي كل حاجة تانية !! وبقولهم .. عاشت القرود حرة مستقلة !!!

وأحب أفكرهم بعهدنا المستمر وسياستنا التي وصلت بنا الى قمة الهرم "القرودي" وأسلوبنا ومنهجنا في الحياة وهو ( لا أرى .. لا أسمع .. لا أتكلم ) !!



انت في زمن المعلم
ضد الأهلي أذا أنت في المنتخب

كل من تألق ضد الأهلي ولو لمدة 5دقائق كافأة حسن شحاته بضمة للمنتخب فنجد أن أحمد شديد لعب للأهلي عام كامل أساسي ولم يفكر فية حسن شحاته وبعد أول مبارة له مع المصري ولأنه تألق ضد الأهلي وكذلك أحرز هدفا أنضم مباشرة للمنتخب مع العلم بأنه لا يصلح يلعب لبني عبيد وبعد ذلك اللاعب وائل رياض لعب للأهلي أساسي أكثر من 3 سنين ومع أول مشاركة له ضد ألأهلي وخصوصا أنه أحرز هدفين في الأهلي أنضم صباح اليوم التالي للمنتخب ... سيد معوض بعد توقيعة للأهلي ب24ساعة أستبعد من المنتخب بحجة أنه لا يلعب أساس في الأهلي والآن لا أجد سبب لعدم أختيار معتز أينو طبعا لأنه فضل الأهلي على الزمالك وطبعا عصام الحضري الأهلي أوقفة ومع ذلك المعلم تحدى الجميع وضمة ولعبة أساسي مع العلم أن مستوى عبد الواحد أفضل منه ميت مرة وهناك أيضا أسباب مزاجية للمعلم فنجد تحدية للاعبين أمثال جمال حمزة وعمر جمال ومحمد بركات وحتى بعد ضم محمد بركات لعبة باك شمال حتى يظهر بمستوى سىء وأخيرا عصام الحضري يقول هلعب للمنتخب غصب عن التخين في مصر والحمد لله المعلم مش تخين ولا حاجة هو دة المنتخب يلعب أساسي اللاعب قليل الأدب ويجلس احتياطي أبو تريكة (عجبت لك يا زمن ) هذا هو المنتخب في زمن( المعلم)

اسمعوا الرسالة دي وياريت اللى بالى بالكم يفهموا:

على اسم مصر التاريخ يقدر يقول ما شاء

وأنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة ف حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

مع تحيات عمنا " صلاح جاهين ".





انما الامم الاخلاق ما بقيت فان هم ذهبت اخلاقهم ذهبوا

تحياتي للجميع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عمر عبدالله
آجــــاوى مميـــز
آجــــاوى مميـــز
avatar

ذكر عدد الرسائل : 432
تاريخ التسجيل : 25/02/2009
العمر : 29
نقاط : 9724
المهنة :
الهواية :
دولتـــى :
درجة نشاطك فى المنتدى :
100 / 100100 / 100


مُساهمةموضوع: رد: حسن شحاته والقرد   الجمعة 17 أبريل 2009, 12:15 am

كلام جميل يا شيتوس بس في شئ من الاساءة لبعض الناس
ولي بعض انتقادات ارجوا تقبلها:
1_ جمهور توتنهام سامح حسام غالي وطالب بالعفو عنه ولكن بعد ان القي بالفانله مرة اخري عاقبته الادارة.
2_كابتن حسن يختار ما يريد وهذه وجهة نظره الفنية البحته ولكن لكي انه اختار لاعب لا نريده لا نشجع المنتخب بالعكس عليك مساندته حتي النهاية.
3_ لن اطيل في الكلام عن الحضري ولكن لست معك في تشبيه كالقرد لانه مهما فعل انسان مصري وارفض الاساءة اليه علي الرغم اني اشد المعارضين لأن يلعب

4_ لي تعليق علي اختيار وائل رياض وائل رياض لاعب موهوب ويصنع الفارق لاعب لا يختلف عنه اثنان صادفه في الاهلي سوء توفيق ولم يشارك بصفة اساسية اما عندما انتقل للحرس احرز في الاهلي ايضا ولم ينضم اما عندما لعب للمصرية للاتصالات فظهر معدنه وانه لاعب خطير احرز في الزمالك والاهلي اي انه كان يصنع الفارق فكان يجب ضمه.

5_ اما احمد شديد ففي روية لمستواه عندما ضمه فكان لاعب خطير ومؤثر جدا واحرز هدفا في الاهلي ولعب مباراة جيدة امام الزمالك فكان جدير بالمنتخب وهذه حقيقة عكس مستواه في الاهلي السئ جدا.

6_ سيد معوض فلاعب جيد ولكن انخفض مستواه بشدة بعد كأس افريقيا فلم يعد يصلح للعب مع المنتخب مثله مثل شادي والان مستوي سيد رويدا رويدا يرتفع

7_ اما معتز اينو فبدا ان يشارك اساسيا منذ شهرين وهذه ليست مده كافية لان يعود اينو وانما هو يتدرج

8_ للعلم انا اهلاوووووووووووووووي جدااااااااااااااااااااااا ولكن ارجوكم لا تبعدوا الناس عن المنتخب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.raishbab.blogspot.com
 
حسن شحاته والقرد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أسرة الجمعيه الأدبيه :: القســم الرياضــى :: المنتــدى الرياضــى-
انتقل الى: