ضحكة من القلب

واحد قاعد مع خطيبته فى الكافيتريا فطلبلها عصير منجه ولما جه العصير -قال لها اجيبلك شاليموه قالت هو انا لسه شربت المنجه؟

واحد بيسأل التاني هو اللي مات الحريري والا رفيقه

بلدياتنا سألوه ماهو السيفون؟؟ قال: صندوق بحبل لما تشده يا تلحق تشرب يا متلحقش

بلدياتنا ومعاه واحد لبناني بيدوروا على زوجاتهم فى السوق, فاتفقوا كل واحد يدور على مرات التانى, فاللبنانى بيوصف زوجته وبيقول: شعرها أصفر وعيونها زرق وقوامها سمبتيك,ها وشو أوصاف زوجتك؟ رد ابلدياتنا وقاله: سيبك من مراتى ويلا بينا ندور على مراتك.
مره اتنيين مساطيل مااشيين على شريط القطر فواحد بيقول للتاني يا أخي السلم ده طويل بشكل.... رد التاني عليه وقاله: اللي مضايقني ان الدرابزيين واطي أوي

اتنين مساطيل دخلوا صيدلية قالوا للى فيها ممكن اتنين فول وواحد طعمية قال لهم الصيدلى احترم نفسك يا أستاذ أنت فى صيدلية وقعدوا يتشاكلوا فدخل واحد فحكى له الصيدلى الحكاية فقال له سيبك منهم اعطينى واحد عصير قصب.

مرة حماة أرادت اختباره اجواز بناتها، فاخذت الأول وعملت نفسها اتزحلقت في البحر فنزل وراها وانقذها، تانى يوم وجد عربية بيجو ومكتوب عليها " هدية من حماتك" وفعلت نفس الشئ مع الثانى فاحضر لها الاسعاف ووجد فى تانى يوم عربية بيجو ونفس الرسالة، أما الثالث فسبها تغرق، ففى اليوم التالى وجد عربية مرسيدس ومكتوب عليها "هدية من حماك".
مرة واحد ماشى مع خطيبته واخر انسجام فقالها "عارفة اية هو الحب واية الجواز؟" قالته "لا" قالها: "الحب زى النجوم الجميلة اللى فى السماء" قالتله"طب والجواز؟" قالها:"دى البلاعة اللى واحنا بنبص على النجوم بنقع فيها".

* اتنين مساطيل طينة طلبت معاهم إن أول واحد هيعدى من الشارع يقطعوا رقبته ويلعبوا بيها كورة فلقوا واحد معدى من الشارع وكان مسطول أكتر منهم، المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها ولا تلعبوا بيها


مرة واحد مخنوق من الدنيا كلها رن جرس الباب الساعة 10صباحا فتح الباب لقى وحدة مذيعة بتقله ممكن نعرف بتعمل ايه لما تقوم من النوم قال انا بقوم من ام النوم اروح ام الحمام افتح ام الحنفيةاغسل ام وشى اروح ام الغرفة اقلع ام الترنج البس ام البنطلون انزل من ام الشقةاركب ام الاتوبيسانزل من ام الاتوبيس اروح ام الشغل وبعد ما اخلص ام الشغل ارجع ام البيت وخلاص فقالت المزيعة شكرا يا فندم ويلعن ام البرنامج اللى خلانا نشوف ام وشك.

واحد صعيدي كان مسافر فلما وصل المطار لقاهم مركبين جهاز جديد عبارة عن مرايا لما تقف قدامها تعرف عنك كل حاجة, فالصعيدي انبسط و راح وقف قدام المراياالمرايا قالت: أنت هريدي من الصعيد و عندك طيارة كمان نص ساعةالصعيدي اتبسط و راح لبس خواجه و راح تاني وقف قدام المرايا,المرايا قالت: انت هريدي من الصعيد و عندك طيارة كمان ربع ساعةالصعيدي راح لبس خليجي و راح تاني وقف قدام المراياالمرايا قالتله, ايوة انت هريدي من الصعيد خليك قاعد تستهبل كده لحد ما الطيارة تروح عليك
ابو العربى قابل مذيعة قالت له انا سمعت كتير عن بطولاتك فى الحرب...قالها طبعا ابو العربى يسد فى كل مكان فى 48 واليمن و56 و67 و73 والعراق...قالت المذيعه طب هأسألك كام سؤال...- لو انت فى الحرب وطلع عليك دبابتين ومعاك قنبلتين هتعمل ايه؟-قالها: هادخل عليهم وأفجرهم-طيب لو خمسه؟؟؟؟؟؟قالها: هادخل عليهم بالسلاح الأبيض-طيب لو اربع دبابات... و عشر عساكر... وطيارتين؟ قالها جرى ايه يا وليه هو مفيش حد بيحارب
غيرى وللا إيه؟؟؟

استضافوا واحد بلدياتنا في برنامج الكاميرا في الملعب سألوه بتشجع مين قالهم المقاولين العرب
قالوله بتحب مين في المقاولين العرب قالهم الجماعة بتوع المحارة

الأمريكان والروس بيترسموا على بعض الأمريكان يقولوا احنا أول ناس طلعنا القمر
والروس يقولوا لا أحنا أول ناس طلعنا القمر واحد مصري كان واقف اضايق أوى
قالهم انتوا لما طلعتوا القمر لقيتوا إيه هناك ؟ قالوله طوب ورمل وزلط قالهم احنا اللي مطلعينه.
بلدياتنا مفتاح عربيته ضاع ميكانيكي جه فتحهاله بطفاشه تاني يوم عمل نسخه من الطفاشه .
مسطول ركب العربية بتاعته ملقاش الدركسيون ولا التابلوه ولا الفتيس راح عمل بلاغ في القسم إن العربية اتسرقت بعد شويه اتصل بالقسم قالهم الغوا البلاغ أصل أنا كنت راكب ورا .
بلدياتنا ربح مليون جنيه خافوا يبلغوه يموت مصدوم. قال العمده: أنا أقوله. قال يا محمدين لو كسبت مليون هاتعمل بيهم إيه؟ قال: أديك نصهم. مات العمدة!!

مسطول صدم شرطي وموته راح متصل بـ122 وقالهم: أحب أبلغكم إنكم بقيتوا 121.

هههههههههههههههههههههههههههههههه مقدرش اقول غير كدا

اشكرك بشدة حتى تثتغيث واشكرك على المرور

شكرا ليك يا باباش ومزيد من التقدم دائما

ألف شكر على النكت ومستنيين المزيد

نكت جميلة اوي والي الامام

شكرا لجميع الاعضاء الى شاركوا برايهم

نكت جامده بجد

هههههههههههههههههههههه دمك خفيف مووووووووووت مستنين نكت احلى واحلى

[size=18]ياسلا عليك يابنى من زمان ماضحكتش كده[/size]